Ein Angler steht am See und fischt,
und wart auf des wos er dawischt.

Der Jäger hockt im Woid scho wirsch,
wo bleibt denn bloss der bläde Hirsch.

Der Golfer hockt am Platz und brummt,
wann denn nur sei Caddy kummt.

Der Segler loant am Mast und und singt,
ob net boid a Windal kimmt.

A Tennisspieler der schlogt auf,
sei Gegenüber wart scho drauf.

Da Surfer wartet noch im hellen,
irgendwann do kimmt sei Wellen.

Da Bergsteiga hängt in da Wand,
er bluat und wart auf an Verband.

De Penner unter Isarbrucken,
vatreibm se Zeit mit tote Mucken.

A Leiche flackt im Sarg und wart,
hoffentlich werds boid vascharrt.

De Hex am Scheiterhaufn flennt,
alle wartn, dass boid brennt.

Ein Wirt an seiner Decke hängt
das Warten hat Ihn sehr gekränkt.

Im Kaufhaus steht da Detektiv,
und wart in seinem eignen Mief.

Das A...loch hockt am Hintern,
und werd do übawintern.

In da Kirch do wart da Pfarra,
zum beichtn kummt bestimmt a Schmarra.

De Merkel hockt in Ihra Kamma,
und wart auf Nachricht vom Obama.

Der Taxler steht am Stand und wart,
des Lebm an sich is ziemlich hart.

Wartn miassn a de Schlampm,
kimmt heit no a reiche Wampm.

Da Koch in seiner Küche wart,
vielleicht werds Fleisch ja heit moi zart.

Olle wartns, san de gscheit,
machts wos bessas aus der Zeit.

Des Gedicht is von mir
Hans Schmid          München 20.1.09